Қирғиз урф-одатларида қабристонларга ёдгорлик ўрнатиш назарда тутилмаган, дея мамлакат президенти Садир Жапаров эслатиб ўтди.
Унинг қайд этишича, Қирғизистон ҳудудининг 94 фоизини тоғлар эгаллаган, мамлакатда экин майдонлари кам, аҳоли ўсиши билан яшашга яроқли ерлар камаймоқда.
Биз келажак авлодлар ҳақида ўйлашимиз шарт, бугун билан яшамаслигимиз керак, дейди Жапаров.
Жапаровга кўра, Қирғизистон қонунчилиги ва шариатга кўра, қабристон ёпилганидан кейин унинг ҳудудидан 25 йил ўтгач фойдаланиш мумкин. У сиёсатчи сифатида қирғиз халқини қабристонлардаги ёдгорликлардан воз кечишга чақирган.
Унинг таъкидлашича, айрим фуқаролар жамоатчилик томонидан гап-сўз бўлишидан хавотирланиб, яқинларига ҳайкал ўрнатади. “Бўлмағур гаплар”га қарши курашиш учун давлат раҳбари ўзини мисол қилиб кўрсатишни таклиф қилган.
Мен ҳар куни эрталаб марҳумлар ҳаққига дуо ўқийман, бунинг ўзи қабристондаги ёдгорликдан миллион марта фойдалидир, дея хулоса қилган Жапаров.
Изоҳ (0)