Ўзбекистон миллий терма жамоасидан чақирув олган футболчи Абдурауф Бўриев жароҳати сабабли октябрь йиғинида иштирок этолмаслиги маълум бўлди.
Абдурауф “Пахтакор”нинг “Персеполис” жамоасига қарши ўйинида қўлидан жароҳат олган эди. Текширувлар унинг жароҳати жиддий эканини кўрсатди. Унинг ўрнига жамоага “Пахтакор” футболчиси Муҳаммадқодир Ҳамралиев жалб этилди.
Ўзбекистон терма жамоасидаги дебют ўйинини Муҳаммадқодир 2023 йил 25 декабрда Қирғизистонга қарши ўтказган.
Маълумот учун, Сречко Катанес бошчилигидаги Ўзбекистон миллий терма жамоаси 7 октябрь куни навбатдаги ўқув-машғулот йиғинларига киришади.
2026 йилги Жаҳон чемпионати 3-саралаш босқичи доирасида Ўзбекистон термаси 10 октябрь куни Эронни, 15 октябрда эса БААни Тошкентдаги “Бунёдкор” стадионида қабул қилади.
Изоҳ (0)