O‘zbekiston milliy terma jamoasidan chaqiruv olgan futbolchi Abdurauf Bo‘riyev jarohati sababli oktyabr yig‘inida ishtirok etolmasligi ma’lum bo‘ldi.
Abdurauf “Paxtakor”ning “Persepolis” jamoasiga qarshi o‘yinida qo‘lidan jarohat olgan edi. Tekshiruvlar uning jarohati jiddiy ekanini ko‘rsatdi. Uning o‘rniga jamoaga “Paxtakor” futbolchisi Muhammadqodir Hamraliyev jalb etildi.
O‘zbekiston terma jamoasidagi debyut o‘yinini Muhammadqodir 2023-yil 25-dekabrda Qirg‘izistonga qarshi o‘tkazgan.
Ma’lumot uchun, Srechko Katanes boshchiligidagi O‘zbekiston milliy terma jamoasi 7-oktyabr kuni navbatdagi o‘quv-mashg‘ulot yig‘inlariga kirishadi.
2026-yilgi Jahon chempionati 3-saralash bosqichi doirasida O‘zbekiston termasi 10-oktyabr kuni Eronni, 15-oktyabrda esa BAAni Toshkentdagi “Bunyodkor” stadionida qabul qiladi.
Izoh (0)