Аббосбек Файзуллаев “ЦСКА”нинг жорий мавсумдаги энг яхши ассистенти ва Премьер Лигада кучли 5 таликка киришга яқин. Жамоада гол ва паслар бўйича ундан фақатгина Фёдор Чалов яхшироқ натижага эга. Аббосбек бу натижага 20 ёшида, РПЛдаги илк мавсумдаёқ эришди.
-hRKGiyj0.jpg)
Январь ойида у Ўзбекистон терма жамоаси билан Осиё Кубогининг чорак финалига чиқди, апрель ойида эса Ўзбекистон Олимпия терма жамоаси билан Олимпиада ўйинларига йўлланма олди. Айнан шу сабаблар билан у клуб сафида баъзи учрашувларда иштирок этмади.
Аббос Нижний Новгородда (2:6) иккита голли узатмани амалга оширгандан бир кун ўтиб, Sport24 мухбири Андрей Бабич у билан 10 дақиқа вақт ўтказди саволлар берди.
— Март ойида сиз ва мен югуриб гаплашиб олдик. Нега асосий таркибда тушмаётганингиз ҳақида саволимга “бу савол —мураббийга” деб жавоб бердингиз. Вазиятни хотиржамлик билан тушуниб, ҳаммасига ойдинлик киритмоқчиман. Ўша пайтда доим захирада қолаётганингизга қандай муносабат билдирдингиз?
— Хотиржамлик билан. Ҳар қандай футболчи захирада қолишни эмас, балки кўпроқ футбол ўйнашни хоҳлайди, мен ҳам бундан мустасно эмасман. Мен имкон қадар жамоага ёрдам беришни хоҳлайман, аммо баъзида шундай ҳолатлар ҳам юз беради.
— Хавотир олдингизми?
—Қайсидир ҳолатда, эҳтимол. Аммо ўйин вақтимни қайтаришлари биланоқ ўзимга нисбатан ишончим қайтди.
— Нега март ойида Федотовнинг ишончини йўқотдингиз?
— Йиғиннинг кўп қисмини ўтказиб юбордим. Қишда жамоа билан кўп бирга бўлмадим, мураббий эса секин-аста яна қўшилиб кетишимни кутаётганди. Бу дарҳол юз бермади.
— “ЦСКА” мавсумни қандай ўтказганини бир сўз билан таърифлаб беринг.
— Ўртача. Афсуски, клуб Россия кубоги суперфиналига чиқа олмади. Мавсумни соврин билан якунлашни хоҳлагандик. “Зенит”га пенальтилар сериясида мағлуб бўлганимиз хафа қилади, лекин бу лотерея.
— Бу мавсум сиз учун қандай ўтди?
— Шахсан мен учун жуда яхши мавсум бўлди. Мен бутун йил давомида ўйинда ҳам жисмонан, ҳам руҳий жиҳатдан ўсдим. Мавсумдан мавсумга янада ривожланишни истайман.
— Сиз кузда мавсумни топ даражада ўтказдингиз, баҳор бошидан майгача сизда фақат 1+1 (гол+пас) бор. Бунинг сабаби нима?
— “ЦСКА”га энди ўтган пайтимда, рақибларим менга жуда хотиржам муносабатда бўлишди. Кейин ўзимни кўрсатгач улар менга қарши қаттиқроқ ўйнаб, менга кам бўш ҳудуд беришди. Шунинг учун ўйинда қийинчиликка дуч кела бошладим.
— Олимпия ўйинларига йўлланма олганингизда ўзингизни қандай ҳис қиласиз?
— Бу ҳар бир футболчи учун, айниқса, ўзбек халқи учун катта қувонч. Биз биринчи марта Олимпиадага йўлланма олдик. Бу билан ҳамма ҳақли равишда фахрланади. Эҳтимол, фаолиятимдаги энг кучли ҳис-туйғуларни туйгандирман.
— Буни нимага қиёслаш мумкин?
— 20 ёшгача бўлган футболчилар ўртасидаги Осиё чемпионатидаги ғалаба ва ёшлар ўртасидаги жаҳон чемпионатига йўлланма билан қиёсласа бўлади. Ўшанда ҳа, шунга ўхшаш кучли ҳис-туйғуларни бошдан кечирдим. Совринлар ютиш — бу жуда мароқли.
— Олимпиадага йўлланмани қандай нишонладингиз?
— Биз автобусда ҳам, кийим алмаштириш хонасида ҳам кўп рақсга тушдик ва қўшиқлар айтдик айтдик.
— Спиртли ичимликлар?
— Йўқ, нималар деяпсиз! Бизда спиртли ичимликларга нисбатан жуда қаттиққўллик билан қаралади. Мен ҳаётимда ҳеч қачон спиртли ичимликларни ичиб кўрмаганман ва бу режамда ҳам йўқ.
— Олимпиада ўйинлари РПЛ мавсумига тўғри келади. “ЦСКА” билан буни муҳокама қилдингизми, жамоа сизни қўйиб юборишга тайёрми?
— Ҳали гаплашмадик. Ҳозирча мен шунчаки дам олмоқчиман. Менда деярли таътил бўлмади, жуда чарчадим.
— Россия терма жамоаси Осиё Конфедерациясига ўца, хурсанд бўлармидингиз?
— Ҳа, албатта! Жаҳон чемпионати саралашида ёки Осиё кубоги ўйинларида Россия терма жамоасига қарши ўйнаш қизиқ бўларди. Айниқса, Ваня Обляков ва Чаловга қарши “жанг қилиш”дан хурсанд бўлардим. Менимча, Россия Осиёнинг энг кучли жамоаларидан бири бўларди.
— Москвага кўчиб келганингизда кундалик ҳаётда қандай қийинчиликларга дуч келдингиз?
— Ҳеч қандай қийинчилик бўлмади. Мен фақат оиламни соғиндим. Аммо Москвага кўчиб ўтишдан олдин ҳам мен оиламдан узоқда яшадим, шунинг учун бу нарсага одатлангандим. Бундан ташқари, Москвада ўзбек таомларини таклиф қилувчи ресторанлар ва кўплаб дўстларим бор. Қулайликка эга бўлиш учун, ака-укаларимни ҳам олиб келдим.
— Ошхона ҳақида — Москвада палов Ўзбекистонникидан ёмонми?
— Йўқ, бир хил. Танишларимиз чойхонада ажойиб қилиб тайёрлашади
— Нима ҳақида орзу қиласиз?
— Мен терма жамоа билан жаҳон чемпионатига чиқишни ва “ЦСКА” билан чемпион бўлишни хоҳлайман. Яхши тайёргарлик кўрсак ва астойдил ҳаракат қилсак, кейинги мавсумда Россия чемпиони бўлиш учун барча имкониятларимиз бор.
Россия Премьер Лигасида “Мавсум кашфиёти” соврини учун номзодларнинг якуний учлигига кирди. Мутахассисларнинг фикрича, ўзбекистонлик футболчи ушбу соврин учун асосий даъвогар ҳисобланади.
Изоҳ (0)