А Серия. Элдор Шомуродов дубль қайд этган ўйинда “Кальяри” рақиби устидан ишончли ҳисобда ғалаба қозонди (видео)

Футбол бўйича Италия А Сериясининг 28-турида “Кальяри” 9 март, шанба куни “Салернитана”га қарши баҳс олиб борди.

Учрашувнинг 12-дақиқасида “Кальяри” аъзоси Лападула ҳисобни очди. Биринчи бўлим охирида Гаэтано жамоасининг иккинчи голига муаллифлик қилди.

Иккинчи бўлимда жароҳатидан тузалган Элдор Шомуродов Гаэтанонинг ўрнига майдонга тушди. Ўзбекистонлик футболчи майдонга тушганидан 5 дақиқа ўтиб, ўз ҳисобига гол ёздириб қўйди.

56-дақиқада эса Кастано ҳисобни қисқартиришга муваффақ бўлди. Орадан 2 дақиқа ўтиб, Мажоре “Салернитана”нинг иккинчи голини урди. 76-дақиқада Шомуродов яна бир бор рақиб дарвозасини ишғол қилди ва дублни расмийлаштирди.

Қолган дақиқаларда дарвозалар ишғол этилмади ва “Кальяри” 4:2 ҳисобида ғалаба қозонди.

А Серия

28-тур баҳси

9 март, шанба

“Кальяри” – “Салернитана” 4:2

Голлар: 1:0 – 12 Лападула, 2:0 – 40 Гаэтано, 3:0 – 51 Шомуродов, 3:1 – 56 Кастанос, 3:2 – 58 Мажоре, 4:2 – 76 Шомуродов.

“Кальяри”: Скуффет, Заппа, Мина, Доссена, Аужелло, Нандес (Виола, 66), Янкто (Асси, 66), Деёла, Макумбу, Гаэтано (Элдор Шомуродов, 46), Лападула (Ористанио, 66).

“Салернитана”: Очоа, Заноли (Самбия, 74), Фасио, Манолас (Пирола, 46), Брадарич, Кандрева, Кастанос, Кулибали (Гомис, 74), Мажоре, Цҳауна, Вейсман (Нванкво, 65).

Огоҳлантиришлар: Аужелло (70), Кастанос (73), Самбия (85).