Мексиканинг жануби-ғарбий қисмига ёпирилган “Жон” тўфони мамлакат бўйлаб сув тошқини ва кўчкиларга сабаб бўлди, ҳодиса оқибатида камида 22 киши, жумладан бир бола ҳалок бўлди.
“Довул Тинч океани соҳилларини бир ҳафта давомида вайрон қилди, ҳалокатли сув тошқини ва кўчкиларга сабаб бўлди, бунинг натижасида 22 киши ҳалок бўлди”, дейилади хабарда.
Табиий офат оқибатида Герреро штатида 18 киши, Оахака штатида 3 киши қурбон бўган, Мичоакан штатида эса ёш бола ҳалок бўлган.
Ҳозир расмийлар вайроналар остидан одамларни қутқариш устида ишламоқда. Нашрнинг қайд этишича, “Жон” тўфони 27 сентябрь куни тарқала бошлаган ва ҳозирда фаол ҳисобланмайди.
Аввалроқ “Ҳелен” тўфони АҚШнинг бешта штатида 95 нафар кишининг ҳаётига зомин бўлгани маълум қилинганди. Бундан ташқари, NetBlocks халқаро интернет-мониторинг хизмати довул туфайли интернетнинг кенг тарқалган узилишлари ҳақида хабар берган.
Шу куни АҚШнинг Флорида штатида “Ҳелен” тўфони туфайли 1 миллиондан ортиқ хонадон электр таъминотисиз қолгани маълум бўлган. Тўфон Флориданинг шимолидаги Биг Бенд минтақасида тунда содир бўлган.
Изоҳ (0)