Самарқандда Isuzu юк машинаси ва Gentra иштирокидаги ЙТҲда икки киши вафот этди. Бу ҳақда Тергов департаменти хабар берди.
Воқеа 16 сентябрь куни соат 07:00 да Пахтачи тумани «Ёбу» маҳалласи ҳудудидан ўтган М-37 Самарқанд—Бухоро автомобиль йўлининг 139-километрида юз берган. 26 ёшли И.Р. бошқарувида бўлган Isuzu юк машинасини Навоий вилояти йўналиши бўйича бошқариб кетаётиб, олд томонидан ҳаракатланиб кетаётган 53 ёшли Ш.Ҳ. ҳайдаб кетаётган Gentra’нинг орқа томонидан уриб юборган.
Оқибатда Gentra йўловчиси 70 ёшли Ҳ.Х. тан жароҳатлари олиб ҳодиса жойида вафот этган. Йўловчилари 68 ёшли аёл Ҳ.У. ва 42 ёшли аёл А.Б. турли даражада олган тан жароҳатлари билан тиббиёт бирлашмасининг жонлантириш бўлимига ётқизилган, аммо кўрсатилган тиббий муолажаларга қарамай Ҳ.У. вафот этган.
ЙТҲ юзасидан Пахтачи туман ИИБ ҳузуридаги Жиноят кодексининг 266-моддаси 3-қисми «а» банди (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Мавзуга доир:
Изоҳ (0)