AQSHda “Helen” to‘foni yopirildi. Oltita shtatda – Shimoliy Karolina, Janubiy Karolina, Jorjiya, Florida, Tennessi va Virjiniya shtatlarida, so‘nggi ma’lumotlarga ko‘ra, 95 kishi halok bo‘lgan.
Qayd etilishicha, hodisa oqibatida kamida ikki million aholi elektrsiz qolgan, daryolar qirg‘oqdan toshib ketgan, yo‘llar va ko‘priklar vayron bo‘lgan.
“Bu esa bo‘rondan zarar ko‘rgan hududlarni zaruriy mahsulotlar bilan ta’minlashga to‘sqinlik qilmoqda” deyiladi xabarda.
Rasmiylar o‘limlar soni ko‘payishi mumkinligidan xavotir bildirgan. To‘fondan eng ko‘p zarar ko‘rgan Shimoliy Karolinaning o‘zida favqulodda xizmatlarga yaqinlari bilan bog‘lana olmagan odamlardan 1000 dan ortiq qo‘ng‘iroqlar kelib tushgan.
Izoh (0)