Украинадаги уруш пайтида 5937 нафар россиялик ҳарбий ҳалок бўлган. Бу ҳақда Россия мудофаа вазири Сергей Шойгу баёнот берди.
Бугун биз Украина билан эмас, балки коллектив Ғарб билан уришмоқдамиз. НАТОнинг барча сунъий йўлдошлари бизга қарши ишламоқда.Россия қуролларининг ҳаммаси, шу жумладан, ядровий триада ўз вазифаларини бажармоқда. Украинанинг йўқотишлари — 100 мингдан ортиқ, 61 минг одам ўлган. Бу мамлакат армиясининг ярмига тенг.
Россиядан эса ҳарбий ҳаракатлар давомида 5937 нафар аскар ҳалок бўлди — деди Шойгу.
Аввал Россия Мудофаа вазирлиги жанговар ҳаракатлар даврида Россия армиясининг йўқотишлари ҳақида атиги икки марта расмий хабар берган эди. 2 март куни вазирлик 498 киши ҳалок бўлгани ва 1597 киши яралангани, 25 март куни эса 1351 киши ҳалок бўлгани ва 3825 киши яралангани ҳақида маълумот берган.
Россия президенти Владимир Путин Россияда қисман сафарбарлик эълон қилди. Сафарбарлик тадбирлари бугун, 21 сентябрь куни бошланади. Мудофаа вазирлиги раҳбарининг сўзларига кўра, Россияда катта сафарбарлик ресурси қарийб 25 миллион кишини ташкил этади, шундан 1 фоиздан кўпроғи — 300 минг киши қисман сафарбарликка тортилади.
Талабалар ва шартнома асосида ҳарбий хизмат ўтовчиларни урушга сафарбар қилиш ҳақида гап йўқ, дея қўшимча қилди Шойгу.
Изоҳ (0)