Украинанинг Чугуев шаҳрида маҳаллий аҳолига палов тарқатган 36 ёшли ўзбекистонлик Сардор Ҳакимов ракета зарбаси оқибатида ҳалок бўлди.
«Уни бутун Чугуев танир эди. Ҳамма Сардор Ҳакимовнинг тирик эканига охиригача умид қилди. У доим жилмайиб турарди, у жуда самимий эди», – дейди Харьков вилояти ҳокимлиги раҳбари Олег Синегубов.
Маҳаллий имом Тимур Беридзенинг айтишича, Сардор Ҳакимов ҳужум пайтида ертўлада бўлиб, у ерда палов тайёрлаш тараддудини кўраётган бўлган.
Ҳакимов, Украина матбуотига кўра, 2000 йилдан бери Луганск вилоятининг Северодонецк шаҳрида истиқомат қилади. 2014 йилда у Чугуевга кўчиб ўтган. У ерда ўзбек ошхонаси ва зираворлар дўконини очган. Россиянинг Украинага босқинидан кейин Ҳакимов оиласини Ўзбекистонга юбориб, ўзи Чугуевда қолиб одамларга ёрдам берди.
Изоҳ (0)