Зулфиқор Мусоқовнинг «Ойижон» фильмидаги бош рол ижрочиси, актриса Фотима Режаметованинг қизи Фарангиз Режаметова (Жамолхонова) 20 июль куни йўл-транспорт ҳодисаси оқибатида ҳалок бўлди. Бу ҳақда журналист Шоҳира Ҳамро Facebook’даги саҳифасида маълум қилди.
Фото: Facebook
Ўзбекистон Давлат жаҳон тиллари университети халқаро журналистика факультети битирувчиси ҳисобланган 25 ёшли Фарангизни Экопарк яқинида машина уриб кетган.
Шоҳира Ҳамронинг маълум қилишича, Фарангиз 21 июль куни соат 13:00 да сўнгги йўлга кузатилади.
Изоҳ (0)