2018 йилдан 2023 йилгача Япониянинг “Виссел Кобе” жамоасида ўйнаган “Барселона”нинг собиқ ярим ҳимоячиси Андрес Иньеста Японияда солиқ тўлашдан бўйин товлаганликда айбланмоқда. Бу ҳақда COPE хабар бермоқда.
Манбага кўра, испаниялик футболчи “Виссел Кобе“ клубида ўйнаб, олаётган даромадини декларация қилмаган. Таъкидланишича, Иньеста Япониядаги беш йиллик фаолияти давомида 5,2 миллион еврога яқин даромадини декларация қилмаган.
Япония солиқ идоралари айни дамда 39 ёшли ярим ҳимоячидан Япония ғазнасига 3,5 миллион евро тўлашни талаб қилмоқда.
Эслатиб ўтамиз, ўтган йилнинг август ойида Иньеста эркин агент сифатида БААнинг “Эмирейтс” клубига кўчиб ўтган эди.
Испаниялик футболчи “Виссел Кобе”даги фаолияти давомида барча турнирларда 134 та учрашувда қатнашиб, 26 та гол ва 25 та голли узатмани амалга оширган.
Изоҳ (0)