“ПСЖ” “Барселона” футболчиси Ламин Ямални ўз сафига қўшиб олмоқчи.
Marca нашрининг хабарига кўра, Париж клуби каталонияликлар аъзосини Килиан Мбаппега ўринбосар сифатида кўрмоқда. “ПСЖ” 16 ёшли футболчи учун 200 миллион евро тўлашга тайёр. Футбол тарихида фақатгина Неймарнинг “Барселона”дан “ПСЖ” сафига ўтиши (222 миллион евро) бундан қимматроқ трансфер бўлган.
Агент Жорже Мендеш “Барселона” президенти Хоан Лапортага Ямал учун берилаётган таклиф ҳақида маълумот берди. “Кўк-анорранглилар” раҳбарияти французлар Ламинни кузатаётганини билади ва уни сотмаслигини маълум қилган.
“Барселона” академиясида Ламин Лионель Мессидан кейин етишиб чиққан энг иқтидорли футболчи ҳисобланмоқда.
Ямал жорий мавсум Ла Лигада 27 та ўйин ўтказиб, 4 та гол ва 3 та голли узатмага муаллифлик қилди.
Изоҳ (0)