“Реал” “Камп Ноу”да “Барселона”ни йирик ҳисобда мағлуб этиб, Испания Кубоги финалига йўл олди (видео)

Футбол бўйича Испания Кубогининг ярим финал жавоб баҳсида “Барселона” 5 апрель, чоршанба куни “Реал”ни қабул қилди.

Учрашувнинг биринчи бўлими кескин курашлар остида ўтди ва ҳисоб тайм якунига келиб очилди. Мадридликларнинг қарши ҳужумини Винисиус Жуниор гол билан якунлади.

Иккинчи бўлим бошида Карим Бензема орадаги фарқни оширди. Орадан кўп ўтмай Винисиусга ишлатилган қўполликдан кейин каталонлар дарвозаси томон пенальти белгиланди. Уни Бензема муваффақиятли амалга ижро этди. 81-дақиқада Бензема ҳет-трик қайд этган ҳолда, якуний ҳисобни ўрнатди.

Шу тариқа икки ўйин натижасига кўра “Реал” финал йўлланмасига эга чиқди. Мазкур жамоалар ўртасидаги дастлабки ўйинда “Барселона” 1:0 ҳисобидаги ғалабани қўлга киритганди.

Карло Анчелотти шогирдлари финалда “Осасуна”га қарши майдонга тушади. Ўйин 6 май куни бўлиб ўтади.

Испания Кубоги

Ярим финал, жавоб баҳси

5 апрель, чоршанба

“Барселона” — “Реал Мадрид” 0:4

Голлар: 0:1 – 45 Винисиус Жуниор, 0:2 – 50 Бензема, 0:3 – 58, пенальти Бензема, 0:4 – 80 Бензема.

“Барселона”: тер Штеген, Араухо, Алонсо (Эрик Гарсия, 66), Кунде, Балде, Серхи Роберто, Бускетс, Кессиэ (Фати, 59), Гави, Рафинья (Ферран Торрес, 66), Левандовски.

“Реал Мадрид”: Куртуа, Карвахаль, Алаба, Милитао, Камавинга, Модрич (Тчуамени, 87), Кроос, Вальверде, Винисиус Жуниор (Себальос, 85), Родриго (Асенсио, 73), Бензема (Начо, 89).

Огоҳлантиришлар: Серхи Роберто (10), Винисиус Жуниор (26), Гави (26), Эрик Гарсия (67), Карвахаль (71), Ферран Торрес (76), Араухо (84), Алаба (86), Балде (86), Милитао (88), Фати (90).

Дастлабки баҳс — 1:0.