Кевин Принс Боатенг “Барселона”даги даври ҳақида: “Месси дунёнинг энг яхши футболчиси деганда ёлғон гапиргандим”

Ганалик футболчи Кевин Принс Боатенг “Барселона”га ўтиш учун ёлғон гапирганини тан олди.

Улар мендан дунёнинг энг яхши футболчиси кимлигини сўради. Мен эса: “Месси” дея жавоб бердим. Аммо бу катта ёлғон эди. Одатда, рост гапираман, лекин бу сафар “Барселона” либосида майдонга тушишим учун улар истаган гапни айтишим керак эди.

“Қаймоқранглилар” мухлисларидан узр сўрайман, мен ёшлигимдан “Реал”нинг ўйинларини севиб томоша қиламан. Ўша вақтда буни тан ололмасдим.

Месси сардор бўлса-да, жамоадошлари билан камдан кам гаплашарди. Бир марта у билан суҳбатлашганмиз, ўшанда Лео мендан Италияда гол уриш қийин ё қийин эмаслиги ҳақида сўраганди. Чунки Роналду А Серияда ўйнар, улар ўртасидаги рақобат давом этарди.

Мен унга Италияда ўйнаш қийинлигини айтгандим. Роналду у ерда 3 йил давомида муваффақиятли фаолият олиб борган.

Кевин Принс Боатенг 2019 йилда “Сассуоло”дан “Барселона”га ижара асосида ўтганди. Ганалик футболчи “кўк-анорранглилар” сафида 3 та ўйинда майдонга тушган.