ХХР, Бразилия ва Глобал Жанубнинг бошқа бир қатор мамлакатлари Россия-Украина можаросини тинч йўл билан ҳал қилишга қаратилган “Тинчлик дўстлари” платформасини яратишини маълум қилди.
Хитой ташқи ишлар вазири Ван Ининг сўзларига кўра, ассоциация конструктив ва оқилона мулоқотга интилади.
Унинг таъкидлашича, “ъТинчлик дўстлариъ” ёпиқ гуруҳ эмас, балки очиқ платформа бўлиб, у рақобат ва қарама-қаршиликка интилмайди, балки инклюзив мулоқот олиб боради.
“Тинчлик дўстлари” холис ва оқилона овоз беришга ва Украина муаммосини сиёсий йўл билан ҳал қилишда конструктив рол ўйнашга интилади”, дейди Ван И БМТ бош ассамблеясидаги учрашув доирасида.
Май ойида Хитой ва Бразилия музокаралар Россия-Украина ҳарбий можаросини ҳал қилишнинг ягона йўли эканлиги ҳақида меморандум эълон қилган эди. Давлатлар халқаро конференцияни Россия ҳамда Украина томонидан тан олинадиган шартлар асосида ўтказишга чақирган. Бразилия президенти Лула да Сильва Бразилия можарода ҳеч қайси тараф бўлмаслигини айтган.
Politico нашри Украина ҳукумати томонидан БМТ бош Ассамблеяси иштирокчилари ўртасида тарқатилгани айтилаётган ҳужжатни чоп этган эди. Унда айтилишича, Хитой Лотин Америкаси, Осиё ва Африка давлатлари вакиллари билан учрашувлар чоғида тинчлик ташаббусларини ҳар бир томоннинг хавфсизлик манфаатларини ҳисобга олган ҳолда муҳокама қилмоқда.
Изоҳ (0)