XXR, Braziliya va Global Janubning boshqa bir qator mamlakatlari Rossiya-Ukraina mojarosini tinch yo‘l bilan hal qilishga qaratilgan “Tinchlik do‘stlari” platformasini yaratishini ma’lum qildi.
Xitoy tashqi ishlar vaziri Van Ining so‘zlariga ko‘ra, assotsiatsiya konstruktiv va oqilona muloqotga intiladi.
Uning ta’kidlashicha, “‘Tinchlik do‘stlari’” yopiq guruh emas, balki ochiq platforma bo‘lib, u raqobat va qarama-qarshilikka intilmaydi, balki inklyuziv muloqot olib boradi.
“Tinchlik do‘stlari” xolis va oqilona ovoz berishga va Ukraina muammosini siyosiy yo‘l bilan hal qilishda konstruktiv rol o‘ynashga intiladi”, deydi Van I BMT bosh assambleyasidagi uchrashuv doirasida.
May oyida Xitoy va Braziliya muzokaralar Rossiya-Ukraina harbiy mojarosini hal qilishning yagona yo‘li ekanligi haqida memorandum e’lon qilgan edi. Davlatlar xalqaro konferensiyani Rossiya hamda Ukraina tomonidan tan olinadigan shartlar asosida o‘tkazishga chaqirgan. Braziliya prezidenti Lula da Silva Braziliya mojaroda hech qaysi taraf bo‘lmasligini aytgan.
Politico nashri Ukraina hukumati tomonidan BMT bosh Assambleyasi ishtirokchilari o‘rtasida tarqatilgani aytilayotgan hujjatni chop etgan edi. Unda aytilishicha, Xitoy Lotin Amerikasi, Osiyo va Afrika davlatlari vakillari bilan uchrashuvlar chog‘ida tinchlik tashabbuslarini har bir tomonning xavfsizlik manfaatlarini hisobga olgan holda muhokama qilmoqda.
Izoh (0)