Қорақалпоғистоннинг Нукус шаҳрида олиб қочилган Trailblazer ағдарилган ҳолда топилди. Бу ҳақда ИИВ Тергов департаменти хабар берди.
Маълум қилинишича, 1 май куни соат 01:40 ларда номаълум шахс Нукус шаҳри Ғайри нағис кўчасида жойлашган 39 ёшли Х.Р.га тегишли қурилиши тугалланмаган уй гаражи ойнасини синдириб, ғайриқонуний тарзда кириб, эшиклари қулфланмаган ва калити ўт олдириш жойида қолдирган Trailblazerъни номаълум томонга олиб қочгани аниқланган
Олиб борилган тезкор-қидирув ишлар натижасида машина Нукус туманидаги йўл четидаги дарахтга урилиб, ағдарилган ҳолда топилган.
Ҳодиса содир бўлган жойида автомашинада бўлган номаълум шахс қўлга олиниб, шахсига аниқлик киритилганда муқаддам судланган 31 ёшли М.А. экани ва у ўта маст ҳолдалиги аниқланган.
Ҳолат юзасидан Нукус шаҳар ИИО ФМБ ҳузуридаги Тергов бўлими томонидан М.А.га нисбатан Жиноят кодекснинг 267-моддаси 2-қисми “г” банди (транспорт воситасини олиб қочиш) билан жиноят иши қўзғатилиб, унга нисбатан қамоққа олиш тарздаги эҳтиёт чораси қўлланилган. Тергов ҳаракатлари олиб борилмоқда.
Жиноят кодекси нормаларига кўра, бундай турдаги жиноятни содир этган шахс 5 йилдан 10 йилгача озодликдан маҳрум қилиш билан жазоланиши мумкин.
Изоҳ (0)