Shavkat Mirziyoyev 21-may kuni Eron elchixonasiga tashrif buyurib, Ibrohim Raisiy va unga hamrohlik qilgan shaxslar fojiali halok bo‘lgani munosabati bilan hamdardlik bildirdi.
Prezident matbuot xizmatining xabar qilishicha, davlat rahbari diplomatik vakolatxonada ochilgan Hamdardlik kitobiga ta’ziya va taskin so‘zlarini yozib qoldirdi.
-HlaRgJDT.jpg)
-rTeDcRiS.jpg)
O‘zbekiston yetakchisi elchi Muhammadali Iskandariy bilan qisqa suhbatda prezident Ibrohim Raisiy yetuk davlat arbobi va siyosatchi bo‘lgani, Eronning barqaror ijtimoiy-iqtisodiy rivojlanishiga, aholi farovonligini oshirishga hamda mamlakatning xalqaro obro‘sini mustahkamlashga, shuningdek, davlatlar o‘rtasida o‘zaro manfaatli ko‘p qirrali hamkorlikni kengaytirishga ulkan hissa qo‘shganini alohida ta’kidladi.
-olWayMjf.jpg)
20-may kuni O‘zbekiston prezidenti Eron Oliy diniy rahbari Oyatulloh Xomanaiyga hamdardlik maktubi yo‘llagandi.
Eslatib o‘tamiz, 19-may kuni Eron prezidenti Ibrohim Raisiy aviahalokat natijasida halok bo‘ldi. Prezidentni olib ketayotgan vertolyotda Sharqiy Ozarbayjon gubernatori Oyatulloh al-Hoshim va tashqi ishlar vaziri Amir Abdullahyon ham bo‘lgan. Mutaxassislar fikricha, falokat texnik nosozlik yoki inson omili tufayli yuz bergan bo‘lishi mumkin.
Raisiy vafoti munosabati bilan Eronda besh kunlik motam e’lon qilingan. Eron prezidentining dafn marosimi 23-may kuni Mashhad shahrida bo‘lib o‘tadi. Muddatidan oldin prezidentlik saylovlari 28-iyunga belgilangan.
Izoh (0)