Toshkent shahar hokimligi III Toshkent xalqaro investitsiya forumi doirasida erishilgan investitsiya bitimlari va kelishuvlarni amalga oshirish bo‘yicha amaliy harakatlar rejasini ma’lum qildi.
Hokimlik e’lon qilgan yo‘l xaritasiga muvofiq, Xitoyning Guangdong Zomman Energy technology kompaniyasi Toshkent shahrida joylashgan sanoat korxonalarining tom qismiga quvvati 100 MVt bo‘lgan quyosh panellarini o‘rnatadi. Loyiha qiymati 100 million dollar bo‘lib, uni 2025-yil mart oyida ishga tushirish belgilangan.
Shuningdek, Rossiyaning “Stroitel-98” kompaniyasi tomonidan “Yangi avlod” maxsus sanoat zonasida “A” toifadagi logistika markazini tashkil etish rejalashtirilgan. Buning uchun 158 million dollar sarflanishi va u rejaga muovfiq 2026-yilning dekabr oyida foydalanishga topshirilishi ko‘rsatilgan.
Rejada Ritz Carlton brendi ostidagi 5 yulduzli mehmonxona faoliyatini tashkil etish ham nazarda tutilgan. Qiymati 200 million dollar deb baholangan mehmonxonani Ozarbayjonning Pasha Development firmasi qurib, 2025-yilning martida topshiradi.
Qo‘shimcha qilinishicha, iyun oyidan mahalliy eksportchilarning elektron tijorat sohasidagi bilim va ko‘nikmalarini oshirishga qaratilgan seminar-treninglar tashkil qilib boriladi.
Izoh (0)