Афғонистоннинг Сарипул вилоятидаги иккита мактабда 80 нафар қиз ва аёл ўқитувчилар заҳарланди. Бу ҳақда Etilaatroz хабар берди.
Бирлашган Миллатлар Ташкилотининг Афғонистондаги Болалар жамғармаси (UNICEF) ўқувчи ва ўқитувчилар заҳарланишидан хавотир билдирди ва тергов ўтказишни талаб қилди. UNICEF “Толибон муваққат ҳукумати расмийларидан воқеани тўлиқ тергов қилишга, аёллар ва қизларни ҳимояга олишга чақирди.
Айрим маълумотларга кўра, заҳарланиш аломатлари орасида диарея, кўнгил айниши, бош айланиши, юрак уриши ва нафас олиш қийинлашиши қайд этилган. Ҳозирда 24 нафар қиз шифокорлар назорати остида экани таъкидланмоқда.
Афғонистонда аёлларга нисбатан қўлланган тақиқлар
Афғонистонлик аёлларнинг БМТ идораларида ишлаши, эркакларга аёллар учун кийим тикиш, аёлларнинг эркак шифокорларга бориши, аёлларнинг шифохонага ёлғиз бориши ва уларнинг истироҳат боғига ташриф буюриши тақиқлаган. Шунингдек, Афғонистонда оилалар ва аёлларнинг боғлари ёки яшил ҳудудлари бўлган ресторанларга кириши ва аёллар овози эшитилган рекламаларни эфирга узатиш тақиқланган.
Изоҳ (0)