Афғонистон миллий электр компанияси (Da Afghanistan Breshna Sherkat – DABS) ўтган йили Тожикистон, Ўзбекистон ва Эрондан 252 миллион долларга электр энергияси импорт қилганини маълум қилди. Бу ҳақда Hasht-e Subh Daily хабар берди.
“Breshna” компанияси вакилларининг айтишича, ўтган йили Афғонистон Тожикистон, Ўзбекистон ва Эрондан 260 миллион доллардан ортиқ электр энергияси импорт қилган. “Breshna” раҳбари Абдул Раҳмон Раҳмоний йиллик ҳисоботида компания электр энергиясини сотиб олиш учун 2022 йилда Тожикистонга 96 миллион доллар, Ўзбекистонга 94 миллион доллар, Эронга эса 62 миллион доллар тўланганини келтирган.
Афғонистон электр компанияси қўшни давлатлардан электр энергиясини импорт қилишдан ташқари, 22,3 миллион маҳаллий электр энергияси ишлаб чиқарувчи компанияларга тўлаган.
Маълумотларга кўра, айни пайтда Афғонистоннинг электр энергиясига бўлган эҳтиёжининг қарийб 75 фоизи қўшни давлатлар ҳисобига таъминланмоқда.
Изоҳ (0)