Afg‘onistonning Saripul viloyatidagi ikkita maktabda 80 nafar qiz va ayol o‘qituvchilar zaharlandi. Bu haqda Etilaatroz xabar berdi.
Birlashgan Millatlar Tashkilotining Afg‘onistondagi Bolalar jamg‘armasi (UNICEF) o‘quvchi va o‘qituvchilar zaharlanishidan xavotir bildirdi va tergov o‘tkazishni talab qildi. UNICEF “Tolibon muvaqqat hukumati rasmiylaridan voqeani to‘liq tergov qilishga, ayollar va qizlarni himoyaga olishga chaqirdi.
Ayrim ma’lumotlarga ko‘ra, zaharlanish alomatlari orasida diareya, ko‘ngil aynishi, bosh aylanishi, yurak urishi va nafas olish qiyinlashishi qayd etilgan. Hozirda 24 nafar qiz shifokorlar nazorati ostida ekani ta’kidlanmoqda.
Afg‘onistonda ayollarga nisbatan qo‘llangan taqiqlar
Afg‘onistonlik ayollarning BMT idoralarida ishlashi, erkaklarga ayollar uchun kiyim tikish, ayollarning erkak shifokorlarga borishi, ayollarning shifoxonaga yolg‘iz borishi va ularning istirohat bog‘iga tashrif buyurishi taqiqlagan. Shuningdek, Afg‘onistonda oilalar va ayollarning bog‘lari yoki yashil hududlari bo‘lgan restoranlarga kirishi va ayollar ovozi eshitilgan reklamalarni efirga uzatish taqiqlangan.
Izoh (0)