Эрон хавфсизлик хизмати ходимлари афғонистонлик чегарачиларга чегара протоколларини ўргатишга тайёр. Бу ҳақда Эрон Қуролли кучлари Бош қўмондони ўринбосари Қосим Ризоий маълум қилди, деб хабар бермоқда “Дарё”нинг Афғонистондаги мухбири.
Ризоийнинг айтишича, Теҳрон ҳарбийларни ўқитишга тайёрлигини маълум қилган, бироқ Афғонистон чегара кучлари ҳозирча машғулотларга келмаган.
Эронлик амалдор, шунингдек, афғон чегара кучларининг турли туман кийимларини танқид қилиб, улар муайян формада бўлиши ва халқаро қонунларга риоя қилиши зарурлигини таъкидлади.
Эслатиб ўтамиз, 27 май куни Афғонистон—Эрон чегарасидаги постлардан бирида тўқнашув юз берди. Эрон томонидан икки нафар чегарачи, “Толибон” томонидан бир нафар ҳарбий ҳалок бўлгани айтилмоқда. Ҳар икки томоннинг марказий ҳукуматлари вазминлик билан реакция билдириши сабаб эскалациянинг олди олинди.
Қатор таҳлилчиларнинг фикрича, бу низога 1973 йилда Афғонистон ва Эрон ўртасида тузилган сув тақсимланиши шартномасининг бузилиши сабаб бўлган бўлиши мумкин.
Бир неча кун ўтиб, “Толибон” қўмондонларидан бири Эронни босиб олиш билан таҳдид қилди.
Изоҳ (0)