«Толибон» маҳрамсиз кўчага чиққан аёлни отиб ташлади

«Толибон» Афғонистоннинг Бадахшон вилоятда маҳрамсиз кўчага чиққан 26 ёшли аёлни отиб ташлади. Бу ҳақда Hasht-e Subh Daily хабар берди.

Маълум қилинишича, аёл ўзига керакли нарсаларни сотиб олиш учун бозорга борган. «Толибон» унга қарата ўқ узган. Жабрланувчи жароҳат билан касалхонага олиб кетилган. Унинг турмуш ўртоғи Афғонистон ҳукумати қулаганидан кейин Эронга кўчиб кетган.

Таъкидланишича, «Толибон» Бадахшон вилоятда бир ой олдин (декабрда) 36 кишини, жумладан, етти аёлни турли айбловлар билан оммавий равишда қамчилаган. Афғонистон муваққат ҳукумати аёлларга турли тақиқлар жорий қилмоқда. Жумладан, аёлларга маҳрамсиз шифокорга бориши мумкин эмас. Янги тақиқда аёлларнинг эркак шифокорларга бориши ҳам тақиқланади.

Бундан ташқари «Толибон» ҳаракати университет ва ўрта мактабларни аёллар учун ёпган. Уларга нодавлат ташкилотларида ишлашга ҳам тақиқ қўйилган. Аёлларга таълим олиш ва ишлаш ҳуқуқини тақиқлаган бўлса-да, Афғонистон бош вазири ўринбосари Абдул Ғани Бародар фуқаролардан ўз ҳуқуқларига эга чиқишни талаб қилган. «Толибон» расмийси аёллар учун университет ва мактаблар март ойидан қайта очилишини айтган.