“Tolibon” harakati Afg‘onistondagi universitetlarni ayollar uchun yopdi. Bu haqda mamlakat oliy ta’lim vaziriga tayanib, BBC xabar berdi.
Vazirning aytishicha, bu harakat keyingi ogohlantirishgacha davom etadi. U darhol kuchga kirishi kutilmoqda. Bu ayollarning rasmiy ta’lim olish imkoniyatini yanada cheklaydi, jumladan ular o‘rta maktabda ta’lim olishdan chetlashtirilgan.
Uch oy oldin Afg‘oniston bo‘ylab minglab qizlar va ayollar universitetga kirish imtihonlarida qatnashgan. Ammo ular o‘rganishi mumkin bo‘lgan fanlarga keskin cheklovlar qo‘yilgandi. Xususan, veterinariya, muhandislik, iqtisod va qishloq xo‘jaligi sohasi taqiqlanib, jurnalistika qattiq cheklangan.
“Tolibon” 2021-yil hokimiyat tepasiga kelgach, universitetlarda jinsga qarab alohida sinf xonalari va kirish eshiklari mavjud bo‘lgan. Ayol talabalarga faqat ayol professorlar yoki qariyalar dars berishi mumkin edi.
Noyabr oyida rasmiylar Kobulda islom qonunlariga rioya qilinmasligini aytib, ayollarni bog‘larga borishini taqiqlagandi.
Mavzuga doir:
