“Tolibon” mahramsiz ko‘chaga chiqqan ayolni otib tashladi

“Tolibon” Afg‘onistonning Badaxshon viloyatda mahramsiz ko‘chaga chiqqan 26 yoshli ayolni otib tashladi. Bu haqda Hasht-e Subh Daily xabar berdi.

Ma’lum qilinishicha, ayol o‘ziga kerakli narsalarni sotib olish uchun bozorga borgan. “Tolibon” unga qarata o‘q uzgan. Jabrlanuvchi jarohat bilan kasalxonaga olib ketilgan. Uning turmush o‘rtog‘i Afg‘oniston hukumati qulaganidan keyin Eronga ko‘chib ketgan.

Ta’kidlanishicha, “Tolibon” Badaxshon viloyatda bir oy oldin (dekabrda) 36 kishini, jumladan, yetti ayolni turli ayblovlar bilan ommaviy ravishda qamchilagan. Afg‘oniston muvaqqat hukumati ayollarga turli taqiqlar joriy qilmoqda. Jumladan, ayollarga mahramsiz shifokorga borishi mumkin emas. Yangi taqiqda ayollarning erkak shifokorlarga borishi ham taqiqlanadi.

Bundan tashqari “Tolibon” harakati universitet va o‘rta maktablarni ayollar uchun yopgan. Ularga nodavlat tashkilotlarida ishlashga ham taqiq qo‘yilgan. Ayollarga ta’lim olish va ishlash huquqini taqiqlagan bo‘lsa-da, Afg‘oniston bosh vaziri o‘rinbosari Abdul G‘ani Barodar fuqarolardan o‘z huquqlariga ega chiqishni talab qilgan. “Tolibon” rasmiysi ayollar uchun universitet va maktablar mart oyidan qayta ochilishini aytgan.