Украина ва Россия ҳарбий асирлар билан айирбошлашди. Украинага 36 киши, Россияга 35 киши қайтиб келди
Россия ва Украина ҳукумати ҳарбий асирлар билан навбатдаги айирбошлашувни ўтказди. Бу ҳақда иккала томон вакиллари 23 ноябрь куни маълум қилди.
З полону РФ визволили ще 36 українців.
— Українська правда ✌️ (@ukrpravda_news) November 23, 2022
відео - з Telegram каналу Андрія Єрмака pic.twitter.com/WpUEsuCB5T
Украинага асирликдан 35 нафар ҳарбий ва бир нафар оддий фуқаро қайтиб келди, деб хабар берди Украина президенти офиси раҳбари Андрей Ермак. «Озод этилганлар орасида Мариуполни ҳимоя қилган йигитлар бор, баъзилари ‘Азовсталь’да бўлган, шунингдек, истилонинг илк кунларида Чернобил АЭСда асирга олинган миллий гвардиячилар ҳам бор», — деди Ермак. Унинг сўзларига кўра, озод қилинган оддий фуқаронинг оёғи кесиб ташланган.
Россия Мудофаа вазирлиги, ўз навбатида, «музокаралар жараёни натижасида Киев режими назорати остидаги ҳудудлардан 35 нафар россиялик ҳарбий хизматчи қайтарилгани»ни маълум қилди. Озод этилган ҳарбийлар даволаниш ва реабилитация учун Москвага юборилади.
Аввалроқ Россия томонидан босиб олинган ДХР раҳбари этиб тайинланган Денис Пушилин 23 ноябрь куни «35 га 35 формуласи бўйича» асирлар билан айирбошлашув бўлиб ўтганини айтганди. Унинг сўзларига кўра, озод қилинганлар орасида ДХРдан тўрт киши ва ЛХРдан икки киши бор.
Мавзуга доир:
