Афғонистоннинг Кобул шаҳридаги масжидда бир оиланинг беш аъзоси отиб ўлдирилди. Бу ҳақда Aamaj news хабар берди.
Маълум қилинишича, ҳодиса 23 ноябрь куни юз берган. «Толибон» ҳаракатининг Кобулдаги полиция штаб-квартираси матбуот котиби Холид Задаран қуролланган шахс отишмасида бири киши яраланганини айтган.
Дастлабки терговга кўра, қотилликка шахсий адоват сабаб бўлган. «Толибон» хавфсизлик кучлари жиноятчини ҳибсга олиш ишларини олиб бормоқда. Маҳаллий манбалар қуролли ҳужум эрталаб намоз вақтида содир бўлганини хабар қилган.
23 сентябрь куни Кобулдаги масжидда жума намози чоғида портлаш юз берганди. Портлаш шаҳарнинг дипломатик даҳасида юз берган, шундан кейин кўп ўтмай осмонга қуюқ тутун кўтарилиб, ўқ товушлари эшитилганди.
Изоҳ (0)