Бугун,

  • USD 11095.31
  • RUB 173.84
  • EUR 10772.44

Коллектив хавфсизлик шартномаси ташкилотининг тезкор жавоб кўрсатиш коллектив кучлари иштирокидаги ўқув машғулотлари Қозоғистоннинг Жамбил ва Олмаота вилоятларида бўлиб ўтади. Бу ҳақда Қозоғистон Мудофаа вазирлиги маълум қилди.

Фото: «РИА Новости»

Фото: «РИА Новости»

«Ҳамкорлик-2022», «Қидирув-2022», «Эшелон-2022» ўқув машқлари 2022 йилнинг 26 сентябридан 8 октябрига қадар ўтказилади.

«Шу муносабат билан 22—30 сентябрь кунлари мамлакатимизга КХШТга аъзо давлатлар ҳарбий контингентлари кириб келади. Улар турли усулларда — темир йўл, ҳаво транспорти ва ғилдиракли ҳарбий техника ёрдамида ҳаракатланади.

Ҳарбий контингентларни жойлаштириш чоғида комендантлик хизмати, ҳаво ҳужумига қарши мудофаа ва ҳар томонлама таъминот масалалари машқ қилинади», — дейилади вазирлик хабарида.

Аввалроқ Қозоғистон Ташқи ишлар вазирлиги республика, гўёки, Коллектив хавфсизлик шартномаси ташкилоти (КХШТ) аъзолигидан чиқиши ҳақидаги ахборотни рад этган эди.

КХШТ нима?

Коллектив хавфсизлик шартномаси ташкилоти — айни пайтда Арманистон, Беларусь, Қозоғистон, Қирғизистон, Россия ва Тожикистонни ўз ичига олган Евросиё ҳукуматлараро ҳарбий иттифоқи. Ташкилотни тузиш ҳақидаги шартнома 1992 йил 15 майда имзоланган.

КХШТ мақсадлари тинчликни, халқаро ва минтақавий хавфсизлик ва барқарорликни мустаҳкамлаш, аъзо давлатлар мустақиллиги, ҳудудий яхлитлиги ва суверенитетини коллектив асосда ҳимоялашдан иборат.

Қозоғистонда 2 январь куни газ нархи кескин ошиши сабабли оммавий норозилик намойишлари бошланиб, бир неча кундан сўнг улар тартибсизликларга айланди. 4 ва 5 январь кунлари Олмаотада намойишчиларнинг хавфсизлик ходимлари билан тўқнашуви кузатилди. Қозоғистондаги тартибсизликлар фонида мамлакат бўйлаб фавқулодда ҳолат эълон қилинди. Мамлакат президенти Қосим-Жўмарт Тўқаев КХШТдан тинчликпарвар кучларини юборишни сўради. 6 январдан Қозоғистонга КХШТ ҳарбийларини жўнатиш бошланди.

11 январь куни Тўқаев мамлакатдаги вазият барқарорлашгани, икки кундан кейин тинчликпарвар кучларни олиб чиқиш бошланиши мумкинлигини маълум қилди. 19 май куни Россия Қозоғистондан тинчликпарвар кучларини олиб чиқишни якунлади.

Тўқаевнинг сўзларига кўра, КХШТ Қозоғистон учун оғир вазиятда кўмак кўрсатган, уларнинг келиши Олмаотани ҳужумчилардан озод этиш имконини берган. Олмаота ва тўққизта вилоят марказлари уларнинг қўлига ўтиб кетган пайт бўлди, бироқ КХШТ контингенти келиб, Қозоғистоннинг энг йирик шаҳрини ҳужумчилар қўлидан олиб қўйишга ёрдам берди, деганди мамлакат президенти.

Изоҳ
Асосий янгиликлар
Маҳаллий
Жанубий Корея мамлакатда ишлаш ниятидаги ўзбекистонликлар учун квоталар сонини оширади
Дунё
«Ҳинд Чернобили» — Пхобалдаги техноген ҳалокат, Эрон олий раҳбарига айланган Ҳоманаий ва Совуқ урушга якун ясаган Ельцин—Буш. Кун хронологиясида 3 декабрь
Спорт
Бразилия Жанубий Кореяга қарши, Португалия эса Швейцария билан баҳс олиб боради. ЖЧ—2022 нимчорак финалнинг барча жуфтликлари маълум бўлди