Bugun,

  • USD 11095.31
  • RUB 173.84
  • EUR 10772.44

Rossiya va Qozog‘iston turli muassasalar darajasida faol hamkorlik qilmoqda, xususan, ikki mamlakat harbiy vazirliklari Kollektiv xavfsizlik to‘g‘risidagi shartnoma tashkiloti (KXShT) doirasida qo‘shma harbiy o‘quv mashqlariga tayyorgarlik olib bormoqda. Bu haqda Rossiya prezidenti Vladimir Putin qozog‘istonlik hamkasbi Qosim Jo‘mart To‘qayev bilan Sochida bo‘lib o‘tgan uchrashuv chog‘ida aytib o‘tdi, deb yozadi “RBK”.

Foto: “TASS”

Foto: “TASS”

“Bizning vazirliklarimiz ham, idoralarimiz, hukumatlararo komissiyalarimiz ham faol ishlaydi, tashqi ishlar vazirliklarimiz, mudofaa vazirliklarimiz birgalikda turli tadbirlarni, shu jumladan, KXShT doirasidagi qo‘shma harbiy mashg‘ulotlarni va boshqa narsalarni tayyorlamoqda”, — dedi Putin.

Shuningdek, u Moskva va Nur-Sulton o‘rtasida tovar aylanmasi o‘sayotganini qayd etdi, chunonchi, besh oy ichida deyarli 9 foizga oshgan, bundan tashqari investitsiyalar hajmi ham ortgan. “Rossiya Qozog‘istonning savdo-iqtisodiy sheriklari orasida birinchi o‘rinda turadi,… barcha yo‘nalishlar bo‘yicha ishlar yetarlicha faol ravishda, ijobiy tarzda bormoqda”, — deya ta’kidladi Putin.

To‘qayevning so‘zlariga ko‘ra, o‘tgan yili mamlakatlar o‘rtasidagi savdo hajmi 24,5 milliard dollarni tashkil qilgan, 2022-yilda ham hamkorlik muvaffaqiyatli rivojlanishda davom etmoqda. Qozog‘iston yetakchisi mamlakatlar xalqaro maydonlarda ham, masalan, BMTda hamkorlik qilishini qayd etdi. To‘qayev eslatishicha, shu yil Qozog‘iston MDHda raislik qilmoqda, u hamdo‘stlikning oktabrda bo‘lib o‘tadigan sammitida Putin shaxsan qatnashishiga umid bildirdi.

“Geosiyosiy vaziyatning o‘ziga xosligi bizga kelishib olish zarurligini ko‘rsatmoqda, ehtimol yangi vazifalar yuzasidan hukumatlarga qo‘shimcha topshiriqlar berish orqali”, — dedi To‘qayev. Uning aytishicha, hozir Rossiya-Qozog‘iston hamkorligining kelajagi haqida “pessimistic prognozlar” qilish uchun asoslar yo‘q.

Uchrashuv avvalida davlat rahbarlari qo‘l berib va quchoqlashib ko‘rishdi. Ikkalasi ham uchrashishdan mamnunligini qayd etdi.

Joriy yilda To‘qayev va Putin bir necha marta yuzma-yuz ko‘rishdi va telefon orqali suhbatlashdi. Qozog‘iston prezidenti iyunda Peterburg xalqaro iqtisodiy forumi (PXIF)ga kelib, LXR va DXR bo‘yicha bayonot bergandi. U respublikalarni “kvazidavlat” deb atagan va Nur-Sulton ularni tan olmasligini aytgandi.

O‘shandan buyon Rossiya va Qozog‘iston munosabatlarida yana bir muammo yuzaga keldi: iyulda Rossiya sudi Qozog‘istonning butun eksport neftining uchdan ikki qismini tashuvchi (shu jumladan Rossiya orqali) Kaspiy quvur konsorsiumi faoliyatini to‘xtatish haqida buyruq chiqardi. Bunday qaror qabul qilinishiga ishlab chiqarish obyektlarida aniqlangan ekologik qoidabuzarliklar sabab bo‘ldi.

Shundan keyin To‘ayev neft yetkazib berishni diversifikatsiya qilish, shu jumladan, Rossiya hududidan o‘tmaydigan yo‘nalishdan foydalanish haqida topshiriq berdi. Ko‘p o‘tmay, sud o‘z qarorini o‘zgartirdi va Kaspiy quvur konsorsiumiga 200 ming rubl miqdorida jarima belgiladi.

Izoh
Asosiy yangiliklar
Sport
Braziliya Janubiy Koreyaga qarshi, Portugaliya esa Shveysariya bilan bahs olib boradi. JCH—2022 nimchorak finalning barcha juftliklari ma’lum bo‘ldi
Mahalliy
Mirobodda eng qimmat: Toshkentda noyabr oyi uchun uylar narxi tahlil qilindi
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi