Франция президенти Эммануэль Макрон россиялик ҳамкасби Владимир Путиннинг Украинадаги ҳаракатларини тушунтириб бера олмаслигини айтди.
«Менда бунга мантиқий изоҳ йўқ. Менимча, бу минтақадаги гегемонлик стратегияси, COVID-19 оқибатлари, изоляциядан кейинги ҳолатнинг умумий йиғиндиси бўлса керак», — деди у CNN’га берган интервьюсида.
Макрон Россиянинг Украинада «махсус операция» ўтказиш қарорини дастлабки йирик хато деб атади.
Россиянинг Украинага босқини бошланганидан буён Макрон Путин билан энг кўп мулоқот қилган хорижий етакчилардан бири ҳисобланади. 21 сентябрь куни Путин қисман сафарбарлик эълон қилганидан кейин Макрон унинг ушбу қарорини қоралади.
«Урушни тўхтатиш учун ҳамма Путинга максимал босим ўтказиши керак. Унинг сафарбарлик қарори хато, бу рус халқи учун ёмон янгилик бўлди», — деган Франция раҳбари БМТ Бош ассамблеясидаги нутқида.
Изоҳ (0)