Бугун,

  • USD 11014.01
  • RUB 191.8
  • EUR 10674.78

Организмида кўп холи бўлган одамлар саратон хавфидан хавотирланиб, кўпинча қуёш нуридан қўрқади. Қуёш холлар учун чиндан ҳам хавфлими?  Муаммонинг олдини қандай олиш мумкин? Marie Claire нашри ушбу саволларга жавоб берди.

Фото: Pinterest

Фото: Pinterest

Танадаги холлар хавфлими ёки йўқ?

Теридан бўртиб чиққан сўгалсимон холлар жуда кенг тарқалган бўлиб, уларнинг аксарияти зарарсиз ва фақат косметик нуқсонни ифодалайди. Аммо улар билан бир қаторда ўсимта шаклланиш эҳтимоли ҳам мавжуд.

Ўз вақтида ва самарали даволаниш учун ушбу шаклланишларни тез ва аниқ равишда фарқлаш жуда муҳимдир. Теридаги ҳар қандай ўсма ҳеч бўлмаганда ўз эгасини огоҳлантириши ва дерматовенеролог билан боғланиш учун асосий сабаб ҳисобланади.

Ультрабинафша нурлари холларга қандай таъсир қилади?

Тери саратони ривожланишининг асосий омилларидан бири ультрабинафша нурлари экани илмий жиҳатдан исботланган. Албатта, бу фақат меланома билан боғлиқ эмас. Мисол учун, барча жиддий тери касалликларининг 75 фоизи базал ҳужайрали саратон, ундан кейин ясси ҳужайрали саратон, иккинчи ўринда энг хавфли бўлган меланома ҳисобланади.

Вақти-вақти билан ультрабинафша нурларининг юқори миқдори ДНКга зарар етказади, қуёш куйдиришига олиб келади, токсик ва аллергик реакцияларни келтириб чиқаради, бу эса иммунитет тизимининг пасайишига сабаб бўлади. Қуёш нурлари терига ҳам салбий таъсир қилади ва ўсмаларнинг ривожланиши учун хавф омилидир.

Холларни қуёшдан ҳимоя қилиш керакми?

Албатта, керак. Ҳатто булутли ҳавода ҳам SPF кремлардан фойдаланиш қатъий тавсия этилади. Агар иссиқ мамлакатларга саёҳат қилиш керак бўлса, ҳар 2 соатда қуёшдан ҳимоя қилувчи кремни янгилаш ва SPF 50 га устунлик бериш керак.

Ёз мавсумидан кейин холлар кўпайса ёки улар катталашган бўлса, нима қилиш керак?

Ҳеч бўлмаганда дерматологга мурожаат қилиш керак. Организмдаги барча холларни текширувдан ўтказадиган процедура мавжуд. Бу барча холларни текширишга, уларнинг ҳозирги ҳолатини ўрганишга ва агар хавф мавжуд бўлса, даволашга ёрдам беради.

Холларни текширишда нималарга эътибор бериш керак?

  • холнинг симметрияси ҳақида, биринчи ярми иккинчисидан фарқ қила бошлаган бўлиши мумкин;
  • холнинг чегаралари ноаниқ, бетартиб кўринишга эга бўлса;
  • турли хил ранг ва қўшимчалар мавжудлиги;
  • ҳажмининг тез ўсиши;
  • қобиқлар ёки яралар мавжудлиги.
Агар ушбу ўзгаришлар мавжуд бўлса, дерматовенерологга шошилинч мурожаат қилган маъқул.

Изоҳ
Асосий янгиликлар