Коронавирус пандемияси икки йилдан ўтса ҳамки давом этмоқда ва кўплаб мамлакатларда вазият 2020 йилга қараганда анча яхшиланди. Шу билан бирга, вируснинг тобора кўпроқ янги штаммлари пайдо бўлмоқда, уларни ҳар қандай одам юқтириши мумкин. Бундан ташқари, антитаначалар ишлаб чиқарилишига қарамай, коронавирус билан икки ёки уч марта касал бўлиш эҳтимоли мавжуд, деб ёзади Marie Claire.
«SARS-CoV-2 га қарши иммунитет мукаммал эмас, у қайта инфекция юқтиришдан тўлиқ ҳимоя қилмайди», — деди юқумли касалликлар бўйича мутахассис Кавсар Расми Talaat Women’s Health нашрига. Бундан ташқари, бир штаммнинг антитаначалари бошқасига кучсиздир. Аммо яхши хабар шундаки, иккинчи инфекцияни юқтирган эмланган одамларда коронавируснинг енгилроқ шакли ўтади.
Агар қайта инфекция юқиш ҳолати кузатилса, вирусни енгиш ва организмни тиклашни осонлаштириш учун касаллик пайтида ва ундан кейин бир нечта оддий қоидаларга риоя қилиш керак.
Ўзингизни изоляция қилинг
Агар аломатлар енгил бўлса, вирус сиз ёки атрофдагилар учун хавфли эмас, деб ўйлаб бўлмайди. Камида беш кун карантинда бўлиш тасия этилади.
Шифокорлардан қочманг
Ковидни қайта юқтирганда, кўпчилик шифокор билан маслаҳатлашишни ортга суради, чунки касаллик такроран кузатилаётгани учун хавотирга ўрин йўқ деб қаралади. Бироқ бу нотўғри тушунчадир. Нима бўлганда ҳам шифокор билан маслаҳатлашиш ва кейинги ҳаракатлар ҳақида маълумот олиш зарур. Ёки уй шароитида даволаниш ишлари олиб борилса, шифокор чақириш зарур.
Қайта эмлаш учун рўйхатдан ўтинг
Карантин муддати тугагач ва ўзингизни яхши ҳис қилсангиз, қайта эмлаш учун рўйхатдан ўтинг.
Иммунитетни мустаҳкамланг
Агар иммунитет тизими фаол равишда кучайтирилса, вирус тезроқ бартараф этилади. Жисмоний фаоллик, витаминлар, соғлом уйқу, очиқ ҳавода сайр қилиш (албатта, карантиндан кейин) организмнинг табиий ҳимоясини кучайтиришнинг арзон ва самарали усулларидир.
Изоҳ (0)