Жанубий Африка республикасининг Соуэто шаҳридаги кичик барда отишма юз берди, 14 киши ҳалок бўлди, яна 23 киши яраланди, улардан уч нафарининг аҳволи оғир, деб ёзмоқда eNCA.
Гаутенг провинцияси полиция комиссари Элиас Мавеланинг айтишича, 12 киши воқеа жойида, яна икки киши касалхонада вафот этган. Унинг қўшимча қилишича, жами 11 киши касалхонага ётқизилган. Терговчиларнинг сўзларига кўра, ҳужумчиларнинг ёши 19-35 орасида бўлган, улар машинада қочиб кетган. Уларнинг сони аниқланмаган.
Шунингдек, КваЗулу-Натал провинциясидаги Питермаритсбург шаҳридаги барда яна бир отишма содир бўлди. eNCA хабарига кўра, Volkswagen Polo машинасида келган икки эркак 9 июль куни кечқурун барга бостириб кириб, бардагиларга қарата ўт очган. Икки киши воқеа жойида, яна икки киши шифохонада вафот этган. Саккиз киши касалхонага ётқизилган.
Изоҳ (0)