Janubiy Afrika respublikasining Soueto shahridagi kichik barda otishma yuz berdi, 14 kishi halok bo‘ldi, yana 23 kishi yaralandi, ulardan uch nafarining ahvoli og‘ir, deb yozmoqda eNCA.
Gauteng provinsiyasi politsiya komissari Elias Mavelaning aytishicha, 12 kishi voqea joyida, yana ikki kishi kasalxonada vafot etgan. Uning qo‘shimcha qilishicha, jami 11 kishi kasalxonaga yotqizilgan. Tergovchilarning so‘zlariga ko‘ra, hujumchilarning yoshi 19-35 orasida bo‘lgan, ular mashinada qochib ketgan. Ularning soni aniqlanmagan.
Shuningdek, KvaZulu-Natal provinsiyasidagi Pitermaritsburg shahridagi barda yana bir otishma sodir bo‘ldi. eNCA xabariga ko‘ra, Volkswagen Polo mashinasida kelgan ikki erkak 9-iyul kuni kechqurun barga bostirib kirib, bardagilarga qarata o‘t ochgan. Ikki kishi voqea joyida, yana ikki kishi shifoxonada vafot etgan. Sakkiz kishi kasalxonaga yotqizilgan.
Izoh (0)