Шри-Ланканинг пойтахти Коломбода намойишчилар бош вазир Ранил Викрамасингхенинг уйига бостириб кириб, уни ёқиб юборишди. Бу ҳақда BBC бош вазир идораси ходимига таяниб хабар бермоқда.
Викрамасингхенинг қаерда эканлиги номаълум. Аввалроқ у истеъфога чиқишга тайёрлигини маълум қилганди.
Бундан олдин минглаб намойишчилар мамлакат президентининг қароргоҳи ва идорасини эгаллаб олган эди.
Намойишчилар Шри-Ланка ҳукуматининг оғир иқтисодий инқироз фонида истеъфога чиқишини талаб қилмоқда. Мамлакатда рекорд даражадаги инфляция кузатилган, озиқ-овқат, дори-дармон ва ёқилғи етишмаяпти.
Изоҳ (0)