Тошкентдан Андижонга ҳаракатланаётган тезюрар поездга номаълум шахс томонидан отилган тош вагон ойнасини ёриб ўтиб, 9 ёшли боланинг бошига келиб урилди.
«Ўзбекистон темир йўллари» матбуот хизматининг маълум қилишича, воқеа 10 апрель куни соат 22:25 да Олтиариқ—Марғилон участкасининг 244-километрида юз берган.
Тошкент—Андижон йўналишида ҳаракатланаётган 62-сонли йўловчи поездига номаълум шахс томонидан отилган тош 6-вагон ойнасини ёриб ўтиб, 9 ёшли йўловчининг бошига урилган. Зарба бола қошининг устки қисмига тегиши оқибатида қон кетишига сабаб бўлган. Соат 22:32 да «Марғилон» темир йўл вокзали фелдшери томонидан жабрланган йўловчига зудлик билан биринчи тиббий ёрдам кўрсатилган.
Қайд этилишича, ушбу ҳолат юзасидан тегишли идоралар томонидан суриштирув ишлари олиб борилмоқда.
Изоҳ (0)