Электр энергияси таъминотида кузатиладиган узилишлар ва Twitter, TikTok каби ижтимоий тармоқлар блоклангани қарамай, Ўзбекистон яқин бир ярим ой ичида айрим собиқ иттифоқ давлатлари, шу жумладан, Россия IТ мутахассислари учун энг қулай жой сифатида кўрилмоқда. Бу ҳақда Euronews хабар қилди.
«Тошкентдаги ҳаёт кутганимиздан ҳам яхши экан. Ўзбекистон бизни ўзиникидек қабул қилди. Жуда меҳмондўст, самимий одамлар», — дейди IТ парк ходими Анастасия Маркова.
Мақолада қайд этилишича, мамлакатда IТ мутахассислари ва компанияларни қабул қилиш бўйича давлат даражасида махсус дастур ишлаб чиқилган. IТ парк директори ўринбосари Баҳодир Аюпов бу ҳақда маълумот берган.
«Ўзбекистонга кўчиб келган юқори ва ўрта малакали мутахассислар туфайли бизда маҳаллий ёш кадрларни тарбиялаш, савиясини ошириш учун яхши имконият туғилди», — деган у.
Мавзуга доир:
- TashRush ёки «Тошкент васвасаси» — қандай қилиб Ўзбекистон барча ИТ мутахассислар талпинадиган маконга айлана бошлади?
- «Кутганимиздек арзон эмас экан» — Ўзбекистонга кўчиб ўтган беларуслик ИТ мутахассислар таассуроти
- Ўзбекистон хорижликларга «эшикларини кенгроқ очди» — яшаш гувоҳномасини олиш осонлаштирди ва солиқ ставкасини пасайтирди
Изоҳ (0)