Россиянинг Украинага бостириб кириши Ўзбекистонда иқтисодий ўсишни 2022 йилда 3,6 фоизгача секинлаштиради. Бу ҳақда «Дарё»га тақдим этган Жаҳон банки ҳисоботида айтилган. Таққослаш учун, аввалдаги тахмин 6 фоиз эди.
Рублнинг заифлашиши ва Россия иқтисодиётининг қулаши туфайли пул ўтказмаларининг кескин қисқариши, нефть, буғдой ва ўсимлик ёғи нархининг ошиши Ўзбекистонда аҳоли истеъмолини кескин камайтиради.
Катта лойиҳалар Россия томонидан молиялаштиришгани туфайли мамлакатга инвестициялар ҳажми ўсишининг секинлашади.
Ўзбекистон олтин, мис ва табиий газ жаҳон нархларининг юқорилигидан фойда кўрса-да, пул ўтказмаларининг қисқариши жорий ҳисоб тақчиллигини ялпи ички маҳсулотнинг 10 фоизигача ошириши тахмин қилинмоқда.
Россиядан хорижий инвестициялар қисқариши, тўғридан-тўғри хорижий инвестициялар оқими чекланиши ва тикланиш учун вақт керак бўлиши кутилмоқда.
Натижада жорий ҳисобнинг катта тақчиллиги янги давлат қарзлари ва захиралардан фойдаланиш ҳисобига молиялаштирилиши кутилмоқда.
Товарлар экспорти ва хусусийлаштиришдан тушган тушумларнинг ошиши, шунингдек, давлат инвестицияларининг секинлашиши пул ўтказмаларига қарам бўлган уй хўжаликларини қўллаб-қувватлаш учун кўпроқ ижтимоий харажатларни қоплаши мумкин.
2022 йилда умумий бюджет тақчиллиги ялпи ички маҳсулотнинг 4 фоизигача камайиши кутилмоқда. Кутилаётган фискал консолидация энди кечиктирилиши мумкин.
Ҳукумат ташқи қарзлар бўйича ўз чегараларига риоя қилишда давом этиши кутилмоқда ва давлат қарзи 2022-23 йилларда ялпи ички маҳсулотнинг 42 фоизини ташкил қилиши кутилмоқда.
Ушбу прогнозлар Россияга нисбатан санкцияларнинг амал қилиш муддати, АҚШ фоиз ставкаларидаги ўзгаришларнинг потенциал глобал молиявий оқибатлари, COVID-19 нинг кейинги тўлқинлари ҳамда савдо ва логистика узилишларининг Ўзбекистондаги таъминот занжирларига таъсирига қараб сезиларли даражада қайта кўриб чиқилиши мумкин.
Изоҳ (0)