Toshkentdan Andijonga harakatlanayotgan tezyurar poyezdga noma’lum shaxs tomonidan otilgan tosh vagon oynasini yorib o‘tib, 9 yoshli bolaning boshiga kelib urildi.
“O‘zbekiston temir yo‘llari” matbuot xizmatining ma’lum qilishicha, voqea 10-aprel kuni soat 22:25 da Oltiariq—Marg‘ilon uchastkasining 244-kilometrida yuz bergan.
Toshkent—Andijon yo‘nalishida harakatlanayotgan 62-sonli yo‘lovchi poyezdiga noma’lum shaxs tomonidan otilgan tosh 6-vagon oynasini yorib o‘tib, 9 yoshli yo‘lovchining boshiga urilgan. Zarba bola qoshining ustki qismiga tegishi oqibatida qon ketishiga sabab bo‘lgan. Soat 22:32 da “Marg‘ilon” temiryo‘l vokzali feldsheri tomonidan jabrlangan yo‘lovchiga zudlik bilan birinchi tibbiy yordam ko‘rsatilgan.
Qayd etilishicha, ushbu holat yuzasidan tegishli idoralar tomonidan surishtiruv ishlari olib borilmoqda.
Izoh (0)