Ифторлик учун товуқ гўшти ва зираворлар билан тайёрланадиган хуштаъм гуляш рецепти

Гўштга ажойиб таъмни нафақат зираворлар, балки саримсоқ ва лимон ҳам беради.

Керакли маҳсулотлар:

• товуқ филеси — 650-700 грамм;
• зайтун ёғи — 2 ош қошиқ;
• пиёз — 1 дона;
•  сув — 500-600 мл;
• томат пастаси — 1 ош қошиқ;
• лимон — 1 дона;
• саримсоқ — 2 бўлак;
• туз ва зираворлар.

1. Товуқ филеси унчалик катта ўлмаган шаклда тўғралади. Пиёз паррак шаклда тўғралиб қовуриб олинади.
2. Устидан филе солиниб, қизаргунча пиширилади. Вақти-вақти билан аралаштирилади.
3. Таомга паприка ва туз солиниб, сув қуйилади. Сўнгра томат пастаси қўшилади.
4. Қозон қопқоғи ёпилади ва 30-35 дақиқа давомида қайнатиб олинади.
5. Лимон пўсти ва саримсоқ майдаланади. Барча зираворлар солиниб, яхшилаб аралаштирилади.
6. Товуқ юмшоқ бўлиб пишгач, лимонли аралашма қуйилади ва бир неча дақиқа давомида пиширилади.