Ўзбекистонда қайта тикланувчи энергия манбаларини ривожлантириш соҳасида муҳим шартномалар имзоланди. Бу ҳақда Энергетика вазирлиги матбуот хизмати хабар берди.
Маълум қилинишича, булар Wind and Solarshine for Electricity Distribution Panels Manufacturing МЧЖ ва China Energy International Group ўртасида “яшил” энергетикани ривожлантириш ва мамлакат энергетика инфратузилмасини модернизация қилишга қаратилган учта шартнома бўлиб, 24 июль куни имзоланди.
- Биринчиси — Бухоро вилоятининг Пешку туманидаги 500 МВт қувватли шамол электр станцияси лойиҳаси бўйича консултация кўрсатиш битими. Лойиҳа минтақадаги энг йирик лойиҳалардан бири бўлиб, юз минглаб хонадонларни тоза энергия билан таъминлашга хизмат қилмоқда.
- Иккинчиси — Тошкент шаҳрида 100 МВт қувватли электр энергиясини сақлаш тизими лойиҳаси бўйича консултация кўрсатиш битими.
- Учинчиси — қурилиш ишларини бажариш учун EPC шартномаси.
-JZK4ss6h.avif)
Бу лойиҳалар, Энергетика вазирлигига кўра, Ўзбекистоннинг барқарор ривожланиш мақсадларига эришиш ва кам углеродли иқтисодиётга ўтиш миллий дастурининг бир қисми ҳисобланади.
Электр энергиясини сақлаш тизими бу электр энергиясини вақтинчалик сақлаш ва кейинчалик фойдаланиш учун захира қилиш имконини берувчи технологияларнинг мажмуидир. Ўзбекистонда илк бор Андижон ва Фарғонада 300 мегаваттли йирик энергия сақлаш тизими барпо этилган.
Изоҳ (0)