Япония Соғлиқни сақлаш вазирлиги коронавирусга қарши Pfizer вакцинасини 5 ёшдан 11 ёшгача бўлган болаларда ҳам қўллашни маъқуллади, деб хабар беради Kyodo агентлиги.
Таъкидланишича, болаларни эмлаш 2022 йилнинг мартидан бошланади. 8 миллионга яқин бола вакцина олиш ҳуқуқига эга бўлади.
Мамлакат Соғлиқни сақлаш вазирлиги маълумотларига кўра, ушбу ёш гуруҳидагилар учун вакцина дозаси катталарга мўлжалланган дозанинг учдан бир қисмини ташкил этади. Улардаги фаол моддалар бир хил, аммо болалар бунинг учун махсус яратилган дори воситаси билан эмланади.
Айни вақтда Японияда 12 ёш ва ундан катталарни коронавирусга қарши эмлашга рухсат берилган.
Аввалроқ Исроилда апрелдан чақалоқларни коронавирусга қарши эмлаш бошлангани, Бразилия президенти ўз қизини коронавирусга қарши эмлатишдан бош тортгани, Австрия Евроиттифоқ мамлакатларидан биринчи бўлиб мажбурий вакцинацияни жорий қилгани тўғрисида хабар берилганди. Таъкидлаш керакки, Ўзбекистонда ҳам 5 ва 11 ёшли аҳоли қатламини коронавирусга қарши эмлаш бўйича алоҳида кўрсатма тайёрланган.
Изоҳ (0)