Коронавируснинг янги «омикрон» штамми дунёнинг 106 та давлатида аниқланди. Бу ҳақда Жаҳон соғлиқни сақлаш ташкилотининг (ЖССТ) ҳафталик ҳисоботида маълум қилинди, деб хабар беради «Интерфакс».
«Омикрон»нинг тарқалиши бўйича маълумотлар 21 декабрь куни Тошкент вақти билан соат 18:00 ҳолатига тегишли.
Шунингдек, ЖССТ «омикрон» коллектив иммунитет даражаси юқори бўлган давлатларда ҳам дельта штаммидан тезроқ тарқалаётганини маълум қилган.
Ташкилотнинг таъкидлашича, вируснинг ушбу варианти оқибатида юзага келган касалликнинг оғирлик даражаси тўғрисидаги маълумотлар олдингидек «чекланган», бироқ шу билан бирга, ҳисоботда кўрсатилишича, ЖАР ва Буюк Британияда «омикрон» билан шифохонага ётқизилаётган беморлар сони «ўсишда давом этмоқда».
Бундан ташқари, дастлабки маълумотларга кўра, олдинроқ COVID-19 дан тузалган ёки вакцинациянинг биринчи курсидан ўтган беморлар «омикрон»ни коронавируснинг олдинги штаммларига нисбатан ёмонроқ енгмоқда.
Юқорида келтирилган маълумотлар асосида ЖССТ «омикрон» билан боғлиқ хатар ҳамон «жуда юқори»лиги борасида хулосага келган, шунингдек, ташкилот соғлиқни сақлаш тизимларининг қулаш хавфидан огоҳлантирмоқда.
Аввалроқ Борис Жонсон Британияда «омикрон» штамми билан касалланган бемор вафот этганини маълум қилганди. Шунингдек, АҚШда ҳам «омикрон» билан боғлиқ биринчи ўлим ҳолати қайд этилган.
Мавзуга доир: ЖССТ: Бустер вакцинация дастури биринчи навбатда иммунитети кучсиз инсонларга қаратилиши керак
Изоҳ (0)