Koronavirusning yangi “omikron” shtammi kasallikning og‘ir shaklini keltirib chiqarmasligi to‘g‘risidagi fikrlar “bema’ni”, shu sababli “qo‘lni qovushtirib o‘tirish” kerak emas. Bu haqda Jahon sog‘liqni saqlash tashkilotining bosh ilmiy xodimi Sumya Svaminatanga tayanib, “Korrespondent.net” xabar berdi.
“ ‘Omikron’ shtammi koronavirusning yengil varianti hisoblanmaydi va u kasallikning og‘ir kechadigan shaklini keltirib chiqaradi, shu sababli hech narsa qilmay o‘tirish, ahmoqlik”, — deydi Svaminatan.
Uning so‘zlariga ko‘ra, “ko‘plab davlatlarda amalga oshirilayotgan” buster vaksinatsiya dasturi birinchi navbatda immun tizimi kuchsiz insonlarga qaratilishi kerak.
Shu bilan birga, Svaminatanning ta’kidlashicha, JSST barcha vaksinalar “omikron” shtammiga qarshi butunlay samarasiz bo‘lishiga ishonmaydi.
Avvalroq Germaniya “omikron” shtammi tufayli britaniyaliklarning mamlakatga kirishini cheklagan edi. Aviakompaniyalarga 20-dekabr, yarim tundan boshlab Britaniyadan Germaniyaga sayyohlarni tashish taqiqlanadi. Jahon sog‘liqni saqlash tashkiloti bosh direktori Tedros Gebreyesusning ma’lum qilishicha, “omikron” varianti oldingi shtammlardan ko‘ra tez tarqalmoqda va hozirda u dunyoning 77 mamlakatida qayd etilgan. Mavzuga doir:- Niderlandiyada “omikron” shtammi tufayli lokdaun e’lon qilindi
- “Omikron” bilan kasallanganlarning 60 tadan bittasigina shifoxonaga yotqizilyapti — JAR Sog‘liqni saqlash vazirligi
