Тиктокер Бонамур (Умида Абдуғаффорова) Yashin TV YouTube каналига берган интервьюсида блогер ва актёр Озод Хуррамов билан икки йил севишиб, маълум сабабларга кўра ажрашиб кетгани ҳақида гапирди.
«Орани мен очганман. Жиннилигим бўлганми, айтганимдек, воз кечиб юборишим осон. Кўп урушар эдим, гап-сўзларга ишониб қўйдимми, билмадим. Ҳозир муносабатимиз яхши, салом-алик қилиб турамиз. Озод ака жуда ҳам зўр инсон», – дейди Бонамур.
«Кўпчиликнинг назарида сизни у ташлаб кетган, биласизми?», – деган саволга Бонамур шундай жавоб беради:
«Ҳеч ким ҳеч кимни ташлаб кетмади. Тўғрисини айтаман, гап-сўзларга ишониб, уларни ‘блок’ қилиб қўйдим, билмасдан. Кейин улар ҳайрон бўлдилар. Гаплашмадик шу билан. Лекин 3-4 кундан кейин ёздилар яна. Нима бўлгани тўғрисида айтдим. ‘Бону ўзингни йўлингдан кет’ дедилар. ‘Ўзингизни эҳтиёт қилинг’ дедим. Бўлди, шу билан орамиз очилди. Аммо ҳозир салом-алигимиз бор. Лекин мен уларни, улар мени ташлаб кетди, деган нарса, умуман, бўлмаган. У йўқ нарса».
Шунингдек, Бонамур ўрталаридаги муносабатнинг узоқ муддат сир тутилиб, кейин оммага ошкор бўлгани ҳақида ҳам гапирди.
«Билмадим, мени деб бўлгандир. 2 йиллик муҳаббатни шу пайтгача беркитиб келар эдик. Кейин билдиришимизга урушиб қолганимиз сабаб бўлди. Орада улар билан урушиб қолган эдик, кейин ярашганимизда ўз-ўзидан чиқиб кетди. Уни маслаҳатлашиб ўтирмадик. Бирданига чиқиб кетди», – дейди Тиктокер.
Изоҳ (0)