«Севги изтироби» сериали юлдузи Бурак Ўзчивит PUBG Mobile ўйинининг Туркиядаги тақдимотида иштирок этиб, мухлисларни у билан бирга қизиқарли виртуал саргузаштда иштирок этишга чорлади.
Маълум бўлишича, фойдаланувчилар Бурак Ўзчивитни PUBG Mobile’да турк қаҳрамони Гўкберу Хон образида кўриши мумкин бўлади. Ушбу янгилик Туркия ёшлари орасида шов-шув келтириб чиқарган, таҳлилчиларнинг кузатувига кўра актёрнинг рейтинги деярли 30 фоизга кўтарилган.
Кўпчилик актёрнинг ушбу қарори унинг мухлислари қаторидан кўпроқ ёшлар ўрин олишига ҳисса қўшади деб ҳисобламоқда. Шу билан бирга, ўйинга қарши бўлган бошқа фойдаланувчилар виртуал реалликни реклама қилиш яхши эмаслигини ёзиб қолдирган. Салбий фикрлар асосан, асосий вақтини интернетда ўтказадиган ўсмирларнинг оналари томонидан билдирилган. Аввалроқ, Бурак Ўзчивит ҳамкасбларини ҳақорат қилгани учун 4 йилга қамалиши мумкинлиги ҳақида хабар берилганди.
Мавзуга доир:
Изоҳ (0)