«Полициячи» Нургул Ешилчай, мухлисларнинг эътирозига сабаб бўлган Жан Яман. Турк киноси янгиликлари

Турк киноси оламида рўй бераётган энг сўнгги янгиликларни эътиборингизга ҳавола этамиз.

«Эшигимни қоқ» сериали рейтинг бўйича «Муҳташам юз йил»дан ўзиб кетди. 2021 йил энг кўп твит қилинган жаҳон дастурлари орасида тўққизинчи бўлган сериал йилнинг энг кўп муҳокама қилинган лойиҳаси деб топилган. Дунёнинг 85 мамлакати сериални эфирга узатиш мақсадида сотиб олган.

«Эшигимни қоқ», «Севги, мантиқ, интиқом» сериалларидаги роли билан яхши маълум бўлган Мелисса Денгел қоматини сақлаб қолиш учун бокс билан шуғуллана бошлади.

Жан Яманнинг «Италияда турк миллатига мансуб киши — Фотиҳ Терим ва мен машҳурмиз», — деган сўзлари одамлар орасида резонанс келтириб чиқарган. Фотиҳ Терим футболчи ва кейинчалик Галатасарай жамоаси ва миллий терма жамоанинг мураббийи сифатида яхши маълум. Актёрнинг бу гапларидан кейин ижтимоий тармоқ фойдаланувчилари Италияда ундан бошқа кўплаб турк актёрлари таниқли экани, шунчаки машҳурлик бобида ундан қолишмайдиган ижодкорлар ўз карьерасини она юртида давом эттираётганини ёзиб қолдирган.

Кинотанқидчилар «Шаҳмеран» сериали жуфтлиги Серенай Сарикая ва Бурак Денизни экранда жуда ҳам уйғун кўринади деб ҳисобламоқда. Тахминларга кўра, ушбу лойиҳа мавсум янгилиги¸ актёр ва актриса эса йил жуфтлиги бўлиши кутилмоқда.

Фото: Турк Дизи

Буржу Озберк таваллуд айёмини «Севги, мантиқ, интиқом» сериалини суратга олиш майдончасида нишонлаган.

«Ишкомли уй», «Косем» сериалларидаги роли билан яхши маълум бўлган Нургул Ешилчай янги сериалда аёл полициячи ролини ижро қилиши кутилмоқда.

Чагатай Улусойда вазн билан боғлиқ муаммолар ортиб бормоқда. Афтидан, спорт билан шуғулланиш ҳам ёрдам бермаяпти.

Турк актёри Бурак Ўзчивит PUBG ўйинининг қаҳрамонига айланади. Фойдаланувчилар Бурак Ўзчивитни PUBG Mobile’да турк қаҳрамони Гўкберу Хон образида кўриши мумкин бўлади.

«Беқарор» сериали юлдузи Эбру Шаҳин қайлиғи Жеди Осман совға қилган унаштирув узугини сақлаш учун нархи миллион лира турадиган сейфга буюртма берди.