Instagram: Фарзанд асраб олган Диёра Усмонова, мухлисининг қимматбаҳо совғасини олмаган Ирода Носирова, Малика Равшанова хонадонидаги байрам

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Нилуфар Усмонова ўз саҳифасидаги мухлислари фаоллигини ошириш учун «Стоп» деб номланган ўйин ўтказди. Унга кўра хонанданинг фолловерлари унинг расми остига изоҳ ёзиб қолдириши керак эди. Қайси изоҳ эгасининг изоҳидан сўнг хонанда «Стоп» сўзини ёзса, у ўйин ғолиби деб топилади ва махсус совғага эга бўлади.

Актриса Камила Гимандинова қўшиқчиликда ҳам ўзини синаб кўришга қарор қилди.

Феруза Норматова «Нега турмушга чиқмаяпсиз?» деган саволга жавоб берди.

Малика Равшанова қайнонасининг туғилган кунини қандай нишонлашгани акс этган видео билан бўлишди.

Дурдона Қурбонова саҳифасига янги сурат жойлади.

Севинч Сардор Мамадалиев билан куйлаган дуэтига клип суратга олдирмоқда.

Турк актрисаси Бергузар Корел Янги йил мавзусидаги фотосессиясини тақдим этди.

Шаҳло Темирова оғир жароҳат олган қаҳрамони учун уни қандай гримм қилишганини кўрсатди.

Ўзбекистоннинг биринчи хоними Зироат Мирзиёеванинг жияни, тадбиркор ва инста-блогер Диёра Усмонова 17 декабрь куни туғилган кунини нишонлади. Шу муносабат билан у фолловерларига шахсий ҳаёти билан боғлиқ сирни ошкор қилди. Диёранинг ёзишича, у якунланаётган йилда меҳрибонлик уйидан 5 ёшли Аиша исмли қизни асраб олган. «Агар ота-онам, турмуш ўртоғим ва севимли опаларим мени қўллаб-қувватламаганида, бу ишга журъатим етмасди. Ҳамманинг қалбида бахт бўлсин», — деб ёзади Диёра Усмонова.

Бошловчи Ирода Носировага мухлисларидан бири iPhone 13 Pro совға қилди. Ирода Носирова эса мухлисига миннатдорчилик билдирган ҳолда совғани ололмаслигини айтди.

Ситора Фармонова Янги йилда эфирга узатиладиган кўрсатувлардан бирида қўшиқ куйлади.

Туркиялик таниқли хонанда Айла Челик Тошкентга «Севимли» телеканалининг Янги йил кўрсатувларида қўшиқ куйлаш учун ташриф буюрди.

Ўзбекистон халқ артисти Лутфулла Саъдуллаев 18 декабрь куни 81 ёшга тўлди. Шу куни Гулчеҳра ва Лутфулла Саъдуллаевлар турмуш қурганининг 54 йиллиги ҳам нишонланди.